Anokhi kahani me yaha hum apko har tarah ki kahani sunayege, baccho ki kahani. Kalpanic or satya gatna per adharit kahani. Pahli kahani hum ek maa ke uper likh rahe hai jo ek satya ghatna per adharit hai, is kahani ka naam "sudha" hai hume biswas hai ki aap sab is kahani ko jarur padege
Sudha
Ye kahani sudha naam ki ladki ki zindgi per adharit hai, sudha ek sushil larki thi, use bado ki seva karna pasand tha wo ek agyakari beti v thi uske mata pita use bahut pyar karte the. Sudha shaadi ke layak ho gayi thi, isliye uske mata pita ne uske liye larka dhudne lage, bahut dhudne ke bad uske mata pita ko ek larka mila jiska naam 'vijay" tha. Vijay ke mata pita larki dekhne sudha ke ghar gaye unhone ne sudha ko pasand kar liya sudha ko dar tha ke larka kaisa hoga uski tarah saant ya phir uske swabhav ke viprit. Sudha ke mata pita or vijay ke mata pita ne un dono ko akele chor diya taki woh bat kar sake. kuch der vijay se bat kar ke sudha ke man me chal rahe sawal khatam ho gaye wo samajh gayi ke Vijay bahut accha larka hai, undono ne ek dusre ko pasand kar liya or shaadi v ho gayi, shaadi ke bad vijay sudha ko bahut pyar karne laga, kyuki sudha acchi thi or uske mata pita ki bahut sewa kiya karti thi. Sudha jabse vijay ke ghar ayi tabse vijay ka business sahi chalne laga or woh ek cororepati business man ban gaya.
Dhire dhire waqt gujra, sudha ne ek bete ko janam diya, bacche ke aane se unki zindgi me or khusiya aagayi. Woh dono apne bete se bahut pyar karte the, unhone apne bete ka naam " yuvraj" rakha. Yuvraj bahut sararati tha per apne mata pita ko bahut pyar karta tha, waqt gujra yuvraj bada hone laga isi bich sudha ke saas sasur gujar gaye, ab sudha ke pariwar me 3 log rah gaye, vijay ka business kafi uchayiya chu raha tha, unhone apne bete ki padhai acche se acche school me karai, yuvraj bada hone laga, jamana v ab bahut badal gaya tha. Yuvraj ke college khatam ho jane per, uske papa vijay ne use apne business me hath batane ko kaha toh usne kaha ke woh or padhai karega wo v india ke bahar US me. Vijay or sudha nahi chahte the ke woh US jaye kyuki woh apne bete ko bahut pyar karte the or uske bina kaise rah pate isliye, unhone yuvraj ko samjhane ki koshosh ki magar yuvraj jidd per arda tha ke use US jana hai. Apne dil per pathar rakh kar unhone yuvraj ko Us bhej diya. Sudha or vijay dono sath rahne lage. Aj ke modern yug me vijay ka business girne laga, uski tabiyat bhi kharab hone lagi, US me yuvraj ki padai khatam hote hi woh wahi naukri karne laga or shaadi v kar li. Sudha or vijay samajh gaye the ke uska beta ab sath nahi rahega. Yuvraj or uski wife 2 saal me ek bar aate the, woh v jab yuvraj ko paise ki jarurat parti tab. Samay gujra vijay ki halat kharab hone lagi or uski maut ho gayi. Pita ke maut ke bad yuvraj aya apne pita ka antim sankar karne. Pati ke jane ke baad sudha akeli ho gayi, Yuvraj ne apni maa sudha se kaha ke maa papa ka business to ab nahi raha toh unki property per koi kabza kar sakta kai, hum sari property bech degen. Sudha ne socha sayad uska beta sahi kahta hai kyuki woh akeli thi woh business kaise sambhalti yuvraj ne apne papa ki sari property bech di or sare paise lekar US chala gaya. Sudha apne bete yuvraj ko rokna chahti thi, per rok na saki kyuki uska v pariwar tha US me. Akeli sudha ka man nahi lagta tha woh v bimar rahne lagi, woh sirf apne bete ke phone ka intezar karti, bete ke phone aate hi woh khus ho jati.
Samay apni raftar me phir chalne laga, sudha ki urm dhalne lagi ek din sudha ke bete ne ma ko call kiya or kaha "ma tum itne bade ghar me akeli rahti ho, ab tum old age home me ja kar raho or ghar bech do" bete ki bat sun kar ma ne kaha nahi beta me ye ghar nahi bechugi ye tere papa ki akhiri nishani hai, iski ek ek itt me tere papa ki yad hai ye bat sunte hi yuvraj gussa ho gaya or phone rakh diya. Yuvraj chahta tha ke us ghar ko bech kar sara paisa apni business me lagaye woh ghar kam se kam 5 corore ka tha isliye. Bahut samay gujar gaya, yuvraj ne sudha ko call nahi kiya, sudha Yuvraj ki call lagati rahi per yuvraj ne phone nahi uthaya, sudha dukhi thi ke woh ghar bechne ke liye nahi maani toh uske bete ne bat karna band kar diya. Sudha pareshan rahne lagi, ek din acchanak phone ki ghanti baji toh sudha ne uttaya or khus ho gayi, phone uske bete yuvraj ka tha, yuvraj ne kaha " maa tumhari bahut yaad ati hai mujhe maff kar dena mene tume bahut dukh diya" bete ki ye bat sun kar sudha pighal gayi or kaha" beta mujhe v tumhari bahut yaad ati hai tumne itne din se phone nahi kiya, or na hi utthaya toh yuvraj ne kaha "mujhe maf kar do maa ab waha tum akeli nahi rahogi me tume lene aaraha hu" "per beta mera visa toh nahi hairs"sudha ne kaha, toh yuvraj ne kaha " maa tum uski chinta mat karo me sab intazam karluga" sudha khush ho gayi woh is ghar ko chor jana nahi chahti thi lakin phir v usne apne bete ke liye ha kar di. Yuvraj aya or apni ma se kaha ke ma tum sara saman pack karlo humari flight hai or tum apne ghar ke kagaz mujhe de do me ise sambhal ka rakh duga, ghar ke kagaz yaha rakhna sahi nahi hai. Sudha ne apne bete ki bat sunkar socha sayad woh thik kah raha hai. Yuvraj ne ma ke sare paise or jewellery v rakh liye or maa ko airport le gaya, airport ke bahar usne maa se kaha " maa tum apna saman do me ise ander le jata hu, jab me tumhe bulauga tabhi anna tum". sudha wahi beth kar apne bete ka inzar karne lagi subah se shaam ho gayi per uska beta yuvraj nahi aya. Wahi airport ke logo ne sudha ko bahut der baithe dekh pucha ke "ma g app yaha kyu baithe hai toh sudha ne kaha ke "mera beta airport ke andar gaya hai usne kaha hai jab tak me na bulau tum mat ana or woh avi tak nahi aya mujhe uski chinta ho rahi hai, hamari flight hai US ki", tab airport ke logo ne kaha "maa Us ki flight toh subah hi chali gayi aj koi flight nahi US ki, or fir unlogone pata lagaya or kaha "maa apko apka beta chor ke chala gaya hai, apki koi ticket nahi hai, apka beta akele chala gaya". Ye sunte hi sudha ke pao se jameen khisak gayi jis bete ko usne khunse sicha usne use dhoka diya or chor kar chala gaya. Sudha bimar thi, fir v himmat kar ke ghar ki taraf pedal hi chali kyuki uske sare paise bete ne apne pass rakh liye jab woh ghar pahuchi toh woh or sadme me chali gayi ke uska ghar bik chuka tha. Ye sadma woh bardast na kar saki or bihosh ho gayi. Jab uski ankhe khuli toh woh old age home me thi, or ek pati patni uske bagal me baithe the, un logo ne hi unhe yaha laya, jab ve dono sham ko ghum rahe the toh unhone sudha ko bihosh dekha toh use apne sath le aaye. Sudha ne unko dhayabahad kaha, or woh wahi rahne lagi, per bete ke diye chot na bhul payi, old age home me usne dekha ki aise kai log hai jo apne mata pita ko chot diye hai,or old age home me rahne ko majbur kar diye hai. Bus sudha ne than liya ki ye sab woh chup rah kar nahi dekhegi, or usne jo kadam utaya woh ek ma liye liye bahut muskil tha. Sudha ke bete ne apni maa ki nakali signature kar ke ghar bhecha tha, usne socha tha ke maa kuch v nahi karegi kyuki me uska eklauta beta hu, per sudha ne uske khilaf police me complain darz kar di, or kuch din me uska beta jail chala gaya. Is tarah sudha old age home walo ke liye mishall ban gayi. Usne aisa karke har naujawan ko sandesh diya hai jisne apne mata pita ko ghar se beghar kar deya hai. Hume apne mata pita ki ijjat karni chahiye unka saman karna chahiye.
Yaha humari kahani khatam hui hume biswas hai ki apko hamari kahani pasand ayi hogi "DHANYABAD"
🙏🙏🙏🙏🙏🙏🙏🙏🙏🙏🙏
